అల్లరి చేసినా..

అల్లరి చేసినా,
చిలిపిగా ఆటపట్టించినా,
కవిత్వాన్ని వెదజల్లినా,
కాస్త కోపం చూపినా,
మన అన్న వాళ్ళతోనే..
మన వాళ్ళతోనే..కానీ..

విలువలేనివారికి విలువనిచ్చి,
గాయం చేసే చోట గమ్మత్తు నీకు అవసరమా?
చనువులేని చోట తనువు ఉన్నా,
తగని తేనెపూత విషము కాదా?
మాయచేసే చోట మోసపోతావా?
హక్కు ఉన్నదని హద్దు మీరతావా?
గత గాయాల గుర్తులు చెరగక ముందే.
వద్దన్న చోట కాక, నువ్వున్న చోట
వెలుగు పంచు ఓసి వెర్రి మనసా..!