వనిత వరద

 హాయి వలలో చిక్కుకోకు రేయి కనిపించదు

వలపు చూపుకు వంగిపోకు వంటపడదు

మాయకు మురిసిపోకు మంట తప్పదు

షేక్ హాండ్కు చాచిపోకు షాక్ తప్పదు

ఏది తప్పదో అది నీకు ఒప్పదు

తప్పుకోమంటే కాంతకు నప్పదు

కొట్టుకుపోతుంటే పడతి ప్రవాహంలో 

కుటుంబ తీరం కౌగిలించేసింది.

don't fall on love

(భావన భవానీల తొలిపరిచయం) 

ఏమని చెప్పను అల్లరి రాక్షసుల గురించి

ముద్దుగా ఉన్నారంటే మబ్బుల్లో తేలిపోతారు

కిలాడీలు అందామంటే కిల్ చేసిపోతారు

మాటలతో గారడీ చేస్తున్నారు

మనసును మత్తులో ముంచేస్తున్నారు

మాయా చేసినా హాయిగా ఉందే..తాళేదెలా?

ఎటుచూసినా వాళ్ళని చూసే కళ్ళు,

ఆ కనులను దాటి చూపులు కలిపేదెలా?

తగదు మనసా! ఇంతితో ఇంత చనువు..

తెగవు బహుశా! పడతితో పగటి కలలు

i won't promise you

అమ్మలా చూసుకుంటానని చెప్పలేను

ఎందుకంటే సృష్టిలో తన స్థానాన్ని రీప్లేస్ చేసేవారు లేరు.

మహరాణిలా చూసుకుంటానని చెప్పలేను 

ఒక రాజుకు చాలామంది మహరాణులు ఉంటారు కదా

పువ్వుల్లో పెట్టి చూసుకుంటానని చెప్పలేను 

ఎందుకంటే నేను పూలవాడిని కాదు

బంగారంలా చూసుకుంటా..డైమండ్లా దాచుకుంటానని చెప్పను

వాటిధర పడిపోవచ్చు..పెరగనూ వచ్చు..

కానీ ఒక్కటిమాత్రం నిజం..

నిన్ను నీలా చూసుకుంటా..నాలో చూసుకుంటా..

కళ్ళనుండి కన్నీరొచ్చినా తీయగా మార్చేస్తా.