కుదిరితే గొడవపడు,
లేదంటే బుజ్జగించు,
కానీ మౌనంగా ఉండకు.
నీ మౌనమే మన మధ్యన దూరం,
నీపై నా కోపం కాకూడదుగా ద్వేషం,
నీ స్పర్శకు పులకరించదా తనువు?
నీ తడి కన్నులకు తీరిపోదా తగువు?
స్నేహం కోరితే నువ్వు,
చేయందించనా నేను?
దూరం పెడితే నువ్వు,
దరి చేరనుగా నేను.
గానమై మరిపించు గాయం మానేదాక..
లేదా గాయమై ఉండిపో నీ గుర్తు చెరిగేదాకా..
- దున్సేవర్
ప్రపంచమంతా జాలిచూపే రోజు నీకుంది.
స్వార్ధపూరిత ప్రపంచంలో నీపై జాలి కోసం ఆరాటపడకు.
వర్షం కోసం ఎదురుచూసి విత్తనం మొలకెత్తదు.
మబ్బుల నీడను దాటి మొక్క మానై నీడనిస్తుంది.
కన్నీటితో కాలు కదిపిన నువ్వు,
ఎదుటివారి కన్నీళ్ళు తుడవగలవు.
కాకి నలుపే,సహకారంలో దాని మనసు తెలుపు.
నీ గుండె ఆగినా..పదిమంది గుండెలో నీవు నిలిస్తే..
ప్రపంచమంతా జాలిచూపే రోజు నీకుంది.
ప్రపంచానికి జాలి చూపే రోజేముంది?
నీ పలుకులో తేనెధారలు,
చెమట చుక్కలు కావా? సుగంధాలు,
నీ కొంటె చూపుల సరసాలు,
కోపంలో నీ మోము అందాల సిరులు,
నీ వలపులోని వగరు వయ్యారాలు,
నువ్వుంటే ఏల చేదు జ్ఞాపకాలు?
సంతోషం తెచ్చే నువు దొరికితే ఉగాదే.
- దున్సేవర్
ఉమెన్స్ డే శుభాకాంక్షలు ఎందుకు చెప్పాలి?
WoMen
మేము మీలొనే ఉన్నాం..మీతోనే ఉంటాం..
ఇప్పటికి.. ఎప్పటికి..
సగ తనువిచ్చి అర్ధనారీశ్వరుడు కాలేదా?
అమ్మ కోసం గరుడు అమృతం తేలేదా?
షాజహాన్ ప్రేయసికై తాజ్ మహల్ కట్టలేదా?
అంతెందుకు? మా పేరు పలకాలన్నా ముందు మీరే ఉన్నారు..(ex : సీతా రాముడు,రాధా కృష్ణ)
జీతమే కాదు జీవితమూ ఎప్పుడో ఇచ్చేశాం.
మా ప్రతి పండగకి సందడి మీరే..
మీ కంటూ ఈ రోజు పండగని శుభాకాంక్షలు చెప్పాలా?
-దున్సేవర్
