ఎందుకు పరిగెడుతున్నానో తెలీదు

ఎందుకు పరిగెడుతున్నానో తెలీదు,
దేన్ని అన్వేషిస్తున్నానో అర్ధం కాదు,
ఏదో కావాలి..
ఏదో సాధించాలి..
మనసుకు నచ్చింది చెయ్యాలని మనసులో ఉన్నా..
మనతో ఉన్నోళ్ళు ఇబ్బంది పడకూడదని మనసు చంపుతున్నా..
వాడికేంట్రా జాబ్ చేస్తున్నాడు అని అందరూ అన్నా..
జాబ్ తప్ప నేనేం చేస్తున్నాను? అనే ప్రశ్న నాలో ఉంది..
కలల్ని కాలంలో కలిపేసి,
కష్టపడాలి అనే ముసుగులో ఇష్టపడటాన్ని ఎప్పుడో మానేశా..
కాసేపు కబుర్లు చెప్పే మనుషులు లేక,
మనసువిప్పి మాట్లాడే సమయం లేక,
పరిగెత్తే వయసు కోసమో.. లేక,
పనికిరాకుండా పోతానేమో అనే భయం కోసమో,
నిత్యం నాతో నేను చేసే యుద్ధం.
జీవితంతో నేను ఆడే దాగుడుమూతలు.