సంగీత పదాలతో కవిత
ఒక తల్లి తన కొడుకు ఇలా ఉండాలని కోరుకుంటుందిసరిగ సరిగ అని అందరు సమమని నువ్వు నడవాలని
రిగమ రిగమ అని రివ్వున ఎగురుతు రెక్కవిప్పాలని
గమప గమప మని గజము నీవని ఘీంకరించాలనిమపద మపద అని మంచి పథమున నీవు నడవాలని
పదని పదని అని పగను వదులుకొని ప్రేమ పంచాలని
దనిస దనిస అని దమ్ము ధర్యమని నీవు నమ్మాలని
నిసని నిసని అని నిసిని కొట్టుకొని శశిల రావాలని
సనిస సనిస అని సాధ్యమేమి లేదని నీవు నమ్మాలని
సనిద సనిద మని సద సంకల్పముతో
నిదప నిదప మని నిరాశ చెందని నిగ్రహముతో
దపమ దపమ అని ధర్మము వీడని దారులతో
పమగ పమగ మని పంతమువీడని పరాక్రమముతో
మగరి మగరి అని మనిషి మనీషి అని చాటిచెప్పగల మర్మముతో
గరిస గరిస మని గమ్యమెక్కడని వెతుకులాటతో
రిసరి రిసరి అని రొమ్ము విరుచుకొని రగడతో
తకదిమి తకఝను అని తాళమేసిన గెలుపు తలుపు తెరిచి
తదిగినత అని తానెదిగిన తళుకు మెరుపై మెరిసితఝనుత మని ,ఆ ఘనత గని సుచరితను సృష్టించి
కిటకిటమని,తదికిటమని,తళ తళ మని తళాంకుతోమని
కళ కళ మని , భళ భళ మని జయభేరి మ్రోగించి
ప్రతి ఒక్క ఒక్కరికీ ప్రేరణగా నిలవాలని కోరుకుంటుంది.
అలాగే........
నీ గొంతు ప్రతి గొంతుకు కదలికివ్వాలని
సరిగమపదనిస అని ఎదుగుతూ
సానిదపమగరిస అని ఒదుగుతూ
వుండాలని సంగీత తల్లి కోరుకుంటుంది.
రచన : బి.దుర్గబాబు
IIIT NUZVID
7995721404
No comments:
Post a Comment