వాళ్ళలానే ఉండు..

చెలిమిలో బలిమి ఒకరు..

          చెలిమిలో చెర మరొకరు..అన్నీ మామూలే.

చెయ్యందించేది ఒకరు..

          చేజార విడిచేది మరొకరు..అన్నీ మామూలే.

నవ్వించేది ఒకరు..

          నవ్వును లాక్కునేది మరొకరు..అన్నీ మామూలే.

నమ్మకం కలిగిస్తారు ఒకరు..

          నమ్మేలా నటిస్తారు మరొకరు..అన్నీ మామూలే.

అల్లరి చేసేది ఒకరు..

          అల్లరిపాలు చేసేది మరొకరు..అన్నీ మామూలే.

అన్నిమామూలైనా, మొదటిచోట నీలా ఉండు,

ఎన్నిమామూలైనా, రెండోచోట వాళ్ళలా ఉండు.